ന്യൂ ജനറേഷൻ

തലയിണയ്ക്കരികിലെ മൊബൈൽ ഫോണിൽ
അലാറം വിളിച്ചുണർത്തിയപ്പോൾ,
അയാൾ കമ്പ്യൂട്ടർ മുറിയിലേയ്ക്ക് നടന്നു.
ഇന്ന് മകളുടെ പിറന്നാളാണ്..

" പ്രിയപ്പെട്ട മകള്ക്ക്
അച്ഛന്റെ ഹൃദയം നിറഞ്ഞ പിറന്നാൾ ആശംസകൾ"
 ഫേസ് ബുക്കിൽ വക്കുകൾ കോറിയിട്ടു,
 നാളെ   സുഹൃത്തുക്കൾ നല്കുന്ന
ലൈക്കും കമ്മെന്റ്നുകളും ഓർത്ത്‌ മുറിയിലേയ്ക്ക്
നടകുമ്പോൾ തലയിണക്കരികിൽ മൊബൈൽ വീണ്ടും ചിലച്ചു...
"one like your status.. "

തൊട്ടപുറത്ത്  മുറിയിൽ  വിളിപ്പാടകലെ
മൊബൈലിൻറെ അരണ്ട വെളിച്ചത്തിൽ മകളും...

ഒരു മഴ തുള്ളി വീണ്  പൊള്ളിയ

കൈവെള്ളയിലെ മുറിവുണങ്ങാൻ

ഒരിറ്റു കണ്ണുനീർ വേണം.

നെറുകയിൽ ചുണ്ടു ചേർക്കുമ്പോൾ

നിറഞ്ഞൊഴുകുന്ന കണ്ണുകളെ

തേടാനിനിവയ്യ , ഈ മുറിവുണങ്ങാതിരിക്കട്ടെ..

വഴിയോര കാഴ്ചകൾ

തിരക്കേറിയ നടപ്പാതയ്ക്കിരുപുറവും
 മരുന്ന്  കടയും ചുറ്റമ്പലവും.
ശ്രീകോവിലിൻറെ ഇരുട്ടു മുറിയിലെ
ഈശ്വരനും, മരുന്ന്  കടയിലെ
ചില്ലുകൂട്ടിലിൽ വെളിച്ചത്തായി
പുഞ്ചിരിക്കുന്ന ദൈവത്തിനും
ഒരേ മുഖം..
നിറപറയും നിലവിളക്കും
നല്കി ആയുരാരോഗ്യത്തിനു
മുട്ടുകുത്തികേഴും കുറെപേർ,
കടയിലെ കണ്ണാടിക്കൂട്ടിൽ
നോക്കി കച്ചവടത്തിൻറെ
ലാഭം കൂടാൻ കേഴുന്ന
ഭിക്ഷാം ദേഹിയായി കടക്കാരനും.
പ്രാർത്ഥനകൾ മുറികിവന്നപോൾ
പാതിയുറക്കത്തിൽ
നിന്നുണർന്നു  ദൈവം,
പതുക്കെ പുതപ്പിനടിയിൽ
കണ്ണിറുക്കിയടച്ചു
വീണ്ടും ഉറക്കമായി..