വഴിയോര കാഴ്ചകൾ

തിരക്കേറിയ നടപ്പാതയ്ക്കിരുപുറവും
 മരുന്ന്  കടയും ചുറ്റമ്പലവും.
ശ്രീകോവിലിൻറെ ഇരുട്ടു മുറിയിലെ
ഈശ്വരനും, മരുന്ന്  കടയിലെ
ചില്ലുകൂട്ടിലിൽ വെളിച്ചത്തായി
പുഞ്ചിരിക്കുന്ന ദൈവത്തിനും
ഒരേ മുഖം..
നിറപറയും നിലവിളക്കും
നല്കി ആയുരാരോഗ്യത്തിനു
മുട്ടുകുത്തികേഴും കുറെപേർ,
കടയിലെ കണ്ണാടിക്കൂട്ടിൽ
നോക്കി കച്ചവടത്തിൻറെ
ലാഭം കൂടാൻ കേഴുന്ന
ഭിക്ഷാം ദേഹിയായി കടക്കാരനും.
പ്രാർത്ഥനകൾ മുറികിവന്നപോൾ
പാതിയുറക്കത്തിൽ
നിന്നുണർന്നു  ദൈവം,
പതുക്കെ പുതപ്പിനടിയിൽ
കണ്ണിറുക്കിയടച്ചു
വീണ്ടും ഉറക്കമായി..